ماكانت عاجبتني يعني احسها مرة بايخة وكذا مافيها شي ملفت بس والله تعبنا عليها الحمد لله على الأقل شي أحسن من لا شي صح بعد ما وزعناها على اللي نعرفهم والمدرسة وزي كذا فقط معلمة واحدة من مدرستنا اثنت عليها ومدرسة قمة قمة قمة التحبيط من مديرة لمعلمات ووحدة قرأتها ما اعرفها ارسلت لي رسالة شكرا أنا وزميلتي يعني رفعت معنوياتي شوية قبل كم اسبوع المعلمة نفسها تقلي ها وين إبداعك؟ ما حنشوف مجلة هذي السنة ؟؟ ..... قلت لنفسي إبداع مرة وحدة بس جد شجعتني وقررت اعملها لوحدي وزي ماابغى وتكون شاملة بدأت في وضع الأساسيات لها والأفكار والمواضيع الميدانية ومن كذا .... ابغى أفكاركم ... اشياء ممكن تدعم هذي المجلة ؟؟ في ثلاث تحقيقات صحفية أحتاج عليها أراء إذا عندكم استعداد تساعدوني وتجاوبوا أو أي فكرة لها اتركوا تعليق وأنا اتواصل معاكم عن طريق الايميل وممكن أفكار لتحقيقات حلوة يعني ابغى مواضيع شبابية تخص الشباب احترت ايش اكتب شي يخصهم لأني حأكتب شي يخص الفتيات وكمان لإنو كمان انتوا حتقروها ان شاء الله كمان مقابلة مع شخصية ... من زمان ابغى اعملها وانزلها على المدونة لكن ما تيسرت إن شاء الله اعمله ومرة وحدة انزلها في المجلة كمان .... أنا أفكر مع الدكتور عائض القرني لكن ماا ادري ايش حيرد علي ايش رايكم مين كمان شخصيات ممكن اتواصل معاها؟ يلا انتظر أفكاركم المبدعة
أضف تعليقا
من الولايات المتحدة
أعتقد فكرة الإحباط و التشجيع إللي سار مع معلماتك تعتبر فكرة مقال أو موضوع ممتاز ينحط في المجلّة
أكتبي عن أسلوب المعلّمات في التعامل و كيف ممكن يحسّن
المعلّمة إللي ذكّرتك بالإبداعات ممكن تكون هيّا الضّيفة
ليش فكّرت تشجّعك و تذكّرك موضوع حلو و مهم.
إن شاء الله أفكاري تفيدك
مدوّنتك حلوة!!
سلام
من المملكة العربية السعودية
اهلاً تالا
فكره حلوه وشي جميل
ممكن تحطي في المجله باب من مدرستي او اضواء على مدرستنا تحطي فيه اخبار سريعه لانجازات المدرسه او المسابقات والنشاطات المشاركه فيها وممكن كمان لقاء خفيف ظريف مع احدى المعلمات المحبوبات من الطالبات سيكون هناك اقبال اكبر على المجله
وفكرة المسابقه جميله جداً
ممكن تكون الاستطلاعات يشاركوا فيها بنات المدرسه شي حلو
تمنياتي بالتوفيق
وبانتظارك
تالا..اول شي شوفي ايش اهتمامات
الطالبات او المعلمات و حاولي انك
تضيفيها الى المجلة.. ثاني شي التصميم
جدا مهم .. بالنسبة للشخصيات اللي
تحبي تعملي معاها مقابلات حددي في اي
مجال تبغي الناس اللي تبغي تعملي
معاهم مقابلات وانا حاضر معك في اي
شي..
من قطر
مدام انتي فكرتي بها الطريقه اكيد انتي انسانه رائعه
عندي بعض الافكار اللي عملتها في مجلة على مستوى الطلاب جميعا في بلدي وممكن تستفيدين منها
1- ممكن تستضيفين شخصيه مهمه ومحبوبه ومؤثره
2- ممكن تعملين مقابله مع شخص تغيرت حياته للافضل او تائب
3- ممكن تعملين باب بخصوص التراث ونحيي تراثنا القديم
4- ممكن تعملين مقابله مع شخصيه من المدرسه يعني بنت مجتهده او مدرسه متميزه او اداريه ...إلخ
5- ممكن تجمعين هوايات الطالبات اللي عندها هواية الكتابه او الرسم او التقليد او التصميم وتحطينها بالمجله
6- ممكن تعملين استبيان عن اي موضوع حدث او توقعات لشئ معين
7- ممكن تعملين مسابقه والجائزه تكريم الطالبه الفائزه وعمل هديه بسيطه لها
وعندي اقتراح اخر
لو كلمتي المديرة ان تعملون مجله لاكثر من مدرسه صدقيني بيكون التنافس اكبر واحلى >> وانتي بتكونين رئيسه التحرير
حلوه صح ....؟
من المملكة العربية السعودية
أهلين ليال كيفك
تسلمين على أفكارك مرة أفادتني وأغلبها راح اطبقها بإذن الله
وبالنسبة للتدوين ماراح أقصر فيه راح اتكلم عنه شي أكيد
الله يسعدك يارب
وتسلمييييييييييييييين على أفكارك
منورة
من المملكة العربية السعودية
أهلين أنمار
اممم مرة حلوة فكرتك للمقال شكرا :)
وان شاء الله هي المعلمة اللي راح اتكلم معاها الفكرة دخلت مزاجي
يعطيك العافية يارب
ما تحلى مدونتي إلا بوجودكم منور
:)
من المملكة العربية السعودية
أهلا أسماء
الله يسعدك يارب
حأعمل فكرة الاوية عن مدرستي ان شاء الله
وكمان فكرة المسابقة قالت لي عنها ليال مرة حلوة
الله يخليكي يارب
كل افكارك حلوة زيك يا سكرة
منورة :)
من المملكة العربية السعودية
أهلا أخوي محمد
بالفعل انا حاولت اعرف اهتمامات البنات وان شاء الله تفيدني
بالنسبة للتصميم أعرف نفسي حأحوس فيه بس بأحاول
وبالنسبة للشخصية ....تكون شخصية مؤثرة في المجتمع وأقدر اوصل لها ؟؟
تسلم والله ماتقصر
:)
من المملكة العربية السعودية
BoGaS
يا هلا والله بأهل قطر
عجبتني أفكاكر كلها روعة تسلمين
حلوة فكرة التراث ما جات على بالي الله يسعدك
بالنسبة لحكاية المجلة وكذا مدرسة مرة حلوة بحاول لكن مااظن ربك يعين كذا يمكن أفضل
تسلمييييين يارب
منورة
:)
من المملكة العربية السعودية
مش حابة أحبطك أكثر بس تعرفي في الجامعة ندرس تصميم أعلانات.. والدكتور هبة أخبرتنا أن علينا أن نقوم بتصميم اعلانات لربما أخذتها الشركات التي ستقوم بدعمنا وشراء الملصق الأعلاني..
ماذا تتصورين.. كلنا ذهبنا إلى النت وقمنا بسرقة مايمكننا سرقته من أي ملصق إعلاني يناسب المادة التي ندرسها والفكرة المطروحة!!
أشعر بأننا غير منتجين مطلقاً..
ماعندنا تلك الرغبة في الأبداع لوجود كمية مهوولة من الأحباطات المتتالية..
من المملكة العربية السعودية
أهلين سارة كيفك وحشتييييييييني جدا جدا
صحيح كلامك كمية التحبيط شي لا يوصف لكن بحاول قد ماا قدر وأغلب اللي أعمله بعملي الشخصي صحيح مالي غنى عن الغير لكن أنا بحاول اني أقدم أفضل ماعندي عشان أوصل لهدفي اللي وضعته أمام عيني ومهما حبطوني في الأغلب واللي من شخصيتي أجعله سبب لتشجيعي للأفضل صحيح يكون له تأثيره السلبي لكن بحاول أخليه فصالحي
بصراحة كفاية علي اللي حالوا يساعدوني عشانهم حأعمل أفضل ما عندي
سارة أحتاج تشجيعك
تسلمين على طلتك اللي زي القمر
تحية لك يا قاطعة
من الكويت
السلام عليكم ورحمه الله وبركاته
صديقتي العزيز
تحتل القيم جانبا رئيسا من ثقافة أي مجتمع ، بل يمكن القول بأنها تمثل لب الثقافة وجوهرها ، فالقيم تلعب دورا مهما في تحديد وتنظيم النشاط الاجتماعي لكافة أفراد المجتمع ، حيث أوضحت الدراسات أن الجماعات التي تتكون على أساس تشابه القيم ، يتفاعل أفرادها بدرجة أفضل من الجماعات التي تتكون دون اعتبار لنسق القيم لدى أعضائها
من تلك البدايات انه ولمن دواعي سروي ان اقدم لك خدمات اعلامية يمكن ان تثري بها مجلتك
الحمد لله درست الاعلام وبصدد تسجيل لرسالة ماجستير بها
ولكن هناك امور في غاية الاهمية غفل عنها البعض في بداية انشاء المجلة المطبوعة سواء كانت شهرية او فصلية او حتى سنوية
وارجو ان تنوعي من الفنون الصحفية في المجلة
من مقالات وحوارات وتحقيقات وأعمدة بمختلف انوعها
وان شاء الله ساكون متابع لكل جديد تقدمينه
واهلا بك في مدونتي المتواضعة
من المملكة العربية السعودية
لو تبغي مقابلات مع دكاترة عندنا في الجامعة ترى مو مشكلة آمري بس
لازم نشجع المواهب أمثالك
على فكرة ترى أنا أعرف الشخص اللي ألف كتاب "كشكول طالب ثانوي" وهو طالب عندنا في الجامعة إذا ودك أسويلك لقاء معه ترى ما عندي مشكلة
ارسلي لي الأسئلة وابشري ...
أضف تعليقا
<<الصفحة الرئيسية
من البحرين
اقترح انك تضيفي باب في المجله تكون فيه مسابقه هذا الموضوع راح يشجع الكل علي الاجابه وتكون الجوائز بسيطه وممكن لو انتوا فكرتوا تبيعوا المجله بنصف ريال مثلا موضوع المسابقه راح يشجع وبنفس الوقت تمويل لشراء الهديه
ممكن تسألوا البنات عن شخصيات معروفه وتسجلوا توقعاتهم لتعرفوا مدى اطلاعهم ويكون تحقيقكم عن مدي الثقافه التي تتمتع بها البنات وهذا راح يحمس البنات لقراءه ما قالوه وممكن تعززوا الموضوع برسم بياني
ممكن تحقيق عن العطل وكيف تقضيها البنات
موضوع طموح البنات بعد التخرج
وممكن تعرضوا اهم التخصصات والجامعات الموجوده في المملكه لتوعية البنات
لقاء : ممكن يكون مبدئيا مع مدرسه محبوبه تود الطالبات التعرف عليها اكثر
وما هو رأيك لو تروجي للتدوين وخصوصا مدونتك وبعض المدونات المتميزه
عذريني علي الاطاله
تحياتي